Станува збор за возило кое изгледа импозантно. Истото е наменето и специјализирано за шумски пожари и ваквиот тип на возила се вистинска реткост дури и во Територијалните противпожарни единици во Македонија. Со својата носивост од 4 тона истото може да биде од голема полза и при пожари во урбана средина. Камионот кој го доби називот “петка” (петто возило по ред) е произведено 2000 година и има поминато само 28000 километри. Истото е набавено од Белгија и цената со сите трошоци до регистрација изнесува 25000 евра што е вредноста на донацијата на Антура МК.