ДВД Стевам Сингелиќ имаше и женска екипа, па во оваа прилика сакаме особено да ги поздравиме и пофалиме. Притоа за издвојување е и податокот што ДПД Архангел настапи со најмлада екипа која воедно и ветува многу за иднина.

Покрај натпреварувачкиот дел, овој настан беше искористен да се разменат вештини и искуства помеѓу друштвата и притоа да се направат разговори за развивање идни соработки. Особено со друштвата од ЕУ, како од Словенија, така и од Бугарија чии знаење и ресурси се понапредни и посовремени, а и тие како и ние во Македонија имаа пеколна сезона на шумски пожари. Се зборуваше за искуствата, начините, пристапите за гаснење, се споделува искуства од терен што секако ќе бидат од полза.

Паралелно со главниот натпревар се одржа и мини олимпијада за најмалите на која учество зедоа сите основни училишта од Општина Кочани, Општина Зрновци и Општина Чешиново – Облешево како и извидниците од Ластовица.

Благодарност и до генералните спонзори на четирите полигони, Антура МК, Амфенол, АутоВелт и Здружение на возачи Кочани. Во организација и поддршка на настанот беа вклучени и ТППЕ Кочани, МВР – ОВР Кочани, ЈЗУ Општа Болница со проширена дејност Кочани и Општина Кочани за кои изразуваме исто така едно големо фала како и за сите други кои директно или индиректно беа помагатели и поддржувачи.

Летвичката е крената, догодина се надеваме се гледаме во уште поголем број во што сме уверени по позитивните реакции на сите учесници кои се одважија на нашата покана и го збогатија настанот.